Í tilefni öskudagsins mættu nemendur í grímubúningum í skólann í morgun. Á göngum skólans mátti sjá gangandi legókubb, drauga, svífandi sjónvarp, ófrýnilegar nornir, stælgæja svo eitthvað sé nefnt. Allt setti þetta mikinn svip á skólann okkar í dag. Margt var í gangi og fóru skrautlegir nemendurnir á milli stöðva til að leysa hinar ýmsu þrautir og verkefni. Nemendur á yngsta stigi og miðstigi gátu t.d. spilað, unnið í ipödum, teiknað, byggt legófarartæki, útbúið kókoskúlur, dansað og tekið þátt í ratleik. Unglingarnir okkar í 8. og 9. bekk fóru í bæjarferð á leiksýningu en tíundubekkingar aðstoðuðu yngri nemendur við andlitsmálun og fleira í þeim dúr. Öskudagsgleðinni lauk síðan með pylsuveislu í hádeginu og allir nemendur fengu nammipoka í boði foreldrafélagsins eftir matinn. Hér má sjá myndir af skrautlegum nemendum.
|
Á síðasta ári vann Salaskóli að þróunarverkefni um notkun spjaldtölva í skólastarfi. Sett hefur verið fram ítarleg skýrsla um verkefnið og hana er hægt að lesa hér -
Smellið hér til að sjá heildarúrslit. |
Innritun nemenda sem eiga að byrja í Salaskóla í haust verður mánudaginn 3. mars og þriðjudaginn 4. mars. Skemmtilegast er að koma í skólann til innritunar en einnig er hægt að hringja á skrifstofuna. Athugið að hér er bæði átt við innritun nemenda sem eru að byrja í 1. bekk og nemendur sem eru að flytja sig á milli skóla. Innritunin er frá kl. 9:00 - 15:00 Vetrarleyfi er í grunnskólum Kópavogs föstudaginn 21. febrúar og mánudaginn 24. febrúar. Þá daga er engin starfsemi í Salaskóla.
Fimmtudaginn 13. febrúar kl. 20:00 - 21:00 bjóðum við foreldrum í 5. - 10. bekk til fundar um netnotkun barna og unglinga. Óli Örn Atlason, forstöðumaður félagsmiðstöðvarinnar fer rækilega yfir málin. Hann hefur góða þekkingu á þessum málum og er vel inni í því sem krakkar eru að sýsla á netinu. Hann leitast við að svara spurningum eins og hvað eru þau að gera á netinu og hvernig. Það er mikilvægt fyrir alla foreldra að fá einhverja innsýn í þetta og því biðjum við ykkur öll að gefa ykkur þessa klukkustund þann 13. febrúar. Athugið að þetta er sami fyrirlestur og Óli var með hér í skólanum 23. janúar fyrir 8. - 10. bekkjar foreldra. Nú bjóðum við foreldrum 5. - 7. bekkinga og þeim unglingaforeldrum sem ekki komust um daginn. |
Grunnþættir menntunar
Comeniusarverkefni Salaskóla
2012-2014
Matreiðslubók:
Comenius Cooking 2014
